Улаанбаатар хот дах Төсөл хэрэгжүүлэх нэгж (ТХН) нь төслийн үйл ажиллагааг ерөнхийд нь хэрэгжүүлж, хэрэгжилтийг Швейцарийн хөгжлийн агентлагт тайлангна. Мөн бусад ижил төрлийн үйл ажиллагаа бүхий төсөл, хөтөлбөрүүдтэй уялдан ажиллаж, хамтын ажиллагааг сайужруулна. ТХН нь цөлжилт, хуурайшилтийн чиглэлд хэрэгждэг үндсэний болон олон улсын оролцогч байгууллагуудтай нягт ажиллана. Төслийн 4 бүрэлдэхүүн хэсгийг тус тусд нь хэрэгжүүлэх боловч эдгээр нь хоорондоо уялдаатай, нэгдсэн хэлбэрээр хэрэгжинэ. Мөн цөлжилтийн асуудлыг цогц байдлаар нь төрөл бүрийн түвшинд тодорхой үр дүнд чиглүүлэн, тухайлбал, үндэсний түвшинд ЦТҮХ-г дэмжих, экологийн боловсрол, бодлогын асуудлыг авч үзэх зэргээр, бүсийн түвшинд бүсийн төлөвлөлтийг боловсруулах, орон нутгийн түвшинд технологи, орон нутгийн санаачлагыг дэмжих зэргээр ажиллах болно.

Төслийн 1-р үе шатыг 2007-2010, 2-р үе шатыг 2010-2014, Төгсгөлийн үе шатыг 2014 онуудад тус тус хэрэгжүүлэхээр төлөвлөөд байна.

Энэхүү төсөл нь ШХА-ийн хэрэгжүүлж буй бусад төсөл, хөтөлбөртэй нарийн нягт холбооотой ажиллахдаа бэлчээрийн нөхөн сэргээлтийн талаар технологийн түвшинд болон орон нутгийн иргэдийн оролцоог нэмэгдүүлэх талаар нилээдгүй туршлага хуримтлуулсаныг ашиглана.

Төгсгөлийн үе шатны хувьд баримтлах стратеги
Төслийн 4 дэд хэсэг тус бүр өөрийн гэсэн төгсгөлийн шатны үед баримтлах бодлого, стратегитай байна. ЦТҮХ-г бэхжүүлэхийн цаад зорилго нь ЦТҮХ-ийн хэрэгжилтийг болон салбарын хувьд хэрэгжиж буй төслүүдийг үндэсний түвшинд мэрэгжлийн түвшинд зохицуулах чадварыг бий болгож, түүгээр зогсохгүй үйл ажиллагаагаа цаашид санхүүжүүлэх санхүүгийн эх үүсвэр босгох чадварыг бий болгосон байна.
Экологийн боловсролын хөтөлбөрийг шинэчлэн туршиж, улмаар УБС-ийн албан сургалтын хөтөлбөрт хамруулах талаар ажлууд хийгдсэн байна. Албан бус сургалтын хүрээнд хамаарал бүхий байгууллага, иргэний нийгмийн төлөөлөлтэй хамтран ажиллана. Техникийн шийдлүүд нь хүмүүст ойлгомжтой, санхүүгийн болон хэрэглээний хувьд хүртээмжтэй хэлбэртэй байна.

Усжуулалт, түлшний хэмнэлт болон эрчим хүчний хэрэглээний асуудлууд зэрэг онцгой анхаарал татсан асуудлын шийдлийг олонд таниулж мэдүүлэхдээ тэдгээрийн цаашдын тогтвортой байдлын асуудлыг бас харгалзан үзнэ. Богино хугацаанд нэвтрэх боломжтой, энгийн бөгөөд өртөг багатай, урт хугацааны ашиг бүхий технологийн шийдлүүдийг сонгон авна.