"Цөлжилтийн тухай 10 ойлголт" Монгол орны цөлжилтийн талаархи мэдлэг нэмэгдүүлэх мэдээлэл сурталчилгааны ажил
Кампанит ажлын уриа: Цөлжилт Монгол орны хувь тавилан биш

Байгаль орчны олон тулгамдсан асуудлуудын дунд цөлжилтийн асуудал яах аргагүй тэргүүлнэ. Монгол орны газар нутгийн 70-аас илүү хувь нь цөлжилтөнд өртсөн тухай шинжлэх ухааны ойлголт , судалгаа гарсан байдаг. Иймд энэ гамшигтай яах аргагүй тэмцэх, даван туулах шаардлагатай болж байгаа ч хүн бүр цөлжилтийн тухай хангалттай зөв ойлголт, мэдээлэлгүй, тийм байх боломж муутай байдаг.
Гэсэн хэдий ч ард иргэдийн дунд цөлжилтийн талаар зөв ойлголт төрүүлэх, цөлжилтийн эсрэг ямар нэг зүйл хийж болдог, бид оройтоогүй байна гэдэг санааг хүргэх зорилгоор Цөлжилтийг саарулах төсөл 2011-2012 онуудад “Цөлжилтийн тухай 10 ойлголт” мэдээлэл сурталчилгааны ажлыг эхлүүлж байна.

Мэдээлэл сурталчилгааны ажлыг юуны түрүүнд манай төслийн хэрэгжиж байгаа Ховд аймгаас эхлүүлэн хэрэгжүүлж улмаар үндэсний хэмжээний ажил болгон өргөжүүлэх загвар бий болгох юм. Одоогоор бэлтгэл ажлууд хийгдэж байгаа ба 2011 оны 06 сарын 17 буюу Дэлхий нийтээр цөлжилттэй тэмцэх өдөр албан ёсны нээлт хийнэ.

Бид цөлжилтийн талаар иргэдийн дунд байгаа буруу, зөрүү ойлголт, бодлоос хамгийн түгээмэл, залруулах шаардлагатай 10 асуудлыг сонгон авч тэр бүрийг сар бүр нийтэд шат дараалалтайгаар таниулах ажлууд хийнэ. Мэдээлэл сурталчилгааны ажил амжилттай хэрэгжсэн тохиолдолд ард иргэд цөлжилт гэдгийг элсний нүүдэл гэж ойлгохоосоо илүүтэйгээр энэ асуудлын цаана байгаль орчин, нийгэм, эдийн засгийн маш олон асуудлууд агуулгадаж байдгийг олж мэдэж, улмаар зан үйлийн эерэг өөрлөлт гарна хэмээн хүлээж байна.   

дэлгэрэнгүй үзэх